Заман сулышы

Лениногорскида "Мобильник" чарасы башланды

3-31 августта республика территориясендә, шул исәптән Лениногорск муниципаль районында “Мобильник” оператив-профилактик чарасы үткәреләчәк.

Әлеге чараның төп бурычы - юл хәрәкәте кагыйдәләрен бозу очракларын кисәтү. Һәм беренче чиратта бу транспорт чарасы белән идарә иткәндә телефонны кулга тотмыйча сөйләшүләр алып барырга мөмкинлек бирүче техник җайланмалар белән куллануны күздә тота.

Руль артында барганда сөйләшү, смс хәбәрләр язу, социаль челтәрләргә керү шоферның игътибарын телефонга җәлеп итә һәм шуның нәтиҗәсендә юл-транспорт һәлакәтенә китерә.

ТР буенча Эчке эшләр министрлыгының ЮХИДИ идарәсе искәртүенчә, РФ Юл хәрәкәте кагыйдәләренең 2.7 пункты нигезендә транспорт чарасында йөртүчегә хәрәкәт вакытында телефонны кулга тотып сөйләшүләр тыела. Әлеге таләпләрне бозган өчен машина йөртүчегә административ хокук бозулар турында Россия Федерациясе кодексының 12.36.1 маддәсе нигезендә 1500 сум административ штраф салына.
 

Реклама

 

ТР буенча Эчке эшләр министрлыгының ЮХИДИ идарәсе

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: