Заман сулышы

Лениногорск шәһәре

18+
2024 - Гаилә елы
АВЫЛ ХУҖАЛЫГЫ

Телефоннан сөйләшү (сериал)

- Исәнмесез, хөрмәтле иптәш Туфан Абдуллович Миңнуллин! - Исәнмесез, хөрмәтле иптәш... Гафу итегез, исем-фамилиягез һәм әтиегезнең исемен белмим. - Сезнең өчен аның әһәмияте юк. Хөрмәтле тамашачым, дисәгез ялгышмассыз. Чөнки Сез язганнарны театрда карап барам. - Исәнмесез, хөрмәтле тамашачым!.. - Безнең сөйләшү юмор беләнрәк башланып китте. Ләкин сүз җитди нәрсә турында...

- Тыңлыйм Сезне...

- Сез заманында коммунист булган кеше. Ялгышмасам, парторг та идегез.

- Әйе, мин бүген дә коммунистик идеяләргә каршы кеше түгел.

- Анысы сезнең ихтыярда. Заманга яраклашучы Сез генә түгел. Сүз Ленин турында. Мин сезнең «Дивана»гызны карадым. Мин аны караганннан соң шундыйрак фикергә килдем: Сез Ленин белән саташкан егетне дивана дип атаганда Ленинның үзен дә бик үк нормаль кеше түгел дип әйтергә телисез шикелле. Дөрес фикер йөртәмме?

- Сез кем?

- Аның әһәмияте юк, дидем.

- Сез коммунистмы?

- Сезнең кебегрәк. Ләкин мин Сезне гаепләргә җыенучы түгел. Мин аңларга теләүче.

- Яхшы. Алайса, әйтегез, Сез Ленинны нормаль кеше дип уйлыйсызмы?

- Мин аны бөек шәхес дип саныйм. Һәрхәлдә, Сезнең белән минем кебек кенә түгел. Ничек диләр әле «Зәңгәр шәл» дигән спектакльдә? «Синдәй, миндәй бозау» диләрме?

- Рәхмәт «комплиментларыгызга».

- Ачуланмагыз, сүз уңаеннан гына... Соравыгызга җавап: Ленин дивана түгел.

- Мин дә дивана ук димим. Ләкин кылган гамәлләрендә диваналык бар шикелле.

- Мәсәлән?..

- Сез Рәсәй дип аталган илнең тарихын яхшы беләсезме?

- Чамалыйм.

- Анда яшәгән халыкның ниндирәк икәнен дә чамалыйсыздыр.

- Кайсы халыкны күздә тотасыз?

- Барыбызны да. Урысы, татары, якуты, чукчасы...

- Яһүдләрне атамадыгыз.

- Аларны кертми торыйк.

- Нигә?

- Алар килгән халык. Калганнарының борынгы тамырлары шушы җирдә.

- Шуннан?..

- Шуннан шулайрак дип уйлыйм. Шушындый халык яшәгән җирдә дөньяны үзгәртергә тырышу диваналык түгел микән?

- Ни булган мондагы халыкка? Бүтәннәрдән ни аермасы бар?

- Аермасымы?.. Сез дә, мин дә коммунистлар идек. Хәзер кемнәр? Гомерләре буе шахтада эшләгән йөк атларына яктылык күрсәтергә ярамый, сукыраялар.

- Шуның белән ни әйтергә телисез?

- Ленин бабай бик үк нормаль кеше булмаган дип әйтергә телим.

- Ләкин... Ләкин спектакльдәге кебек китап төягән тагарак сөйрәтеп йөртмәскә иде.

- Анысын мин язмадым. Режиссер Фәрит Бикчәнтәевнең фантазиясе. Һәм бик тә уңышлы табыш дип саныйм. Пушкинның ярык тагарагын беләсездер.

- Сау булыгыз...

- Сау булыгыз, хөрмәтле тамашачым.

«Сәхнә», 2011, №6 (июнь)

Следите за самым важным и интересным в Telegram-каналеТатмедиа

Безнең Лениногорск яңалыклары Телеграм-каналга кушылыгыз. 


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев