Заман сулышы

Экстрасенс Алсу Газимҗанова киләчәк турында менә нәрсәләр фаразлый

8 февральдә көнчыгыш календаре буенча Яңа ел башлана. Экстрасенс Маймыл елына фаразларын җиткерә. Сәясәт - Безгә дошман булганнар союздашка әйләнәчәк. Ә без ышанып йөргән илләр безгә каршы чыгарга мөмкин. Мин Россия белән Белоруссия конфликтын күрәм һәм Эстония, Латвия белән мөнәсәбәтләр яхшырырга тиеш. Урта Азиядән булган республикалар белән дә аралар яхшы...

8 февральдә көнчыгыш календаре буенча Яңа ел башлана. Экстрасенс Маймыл елына фаразларын җиткерә.
Сәясәт
- Безгә дошман булганнар союздашка әйләнәчәк. Ә без ышанып йөргән илләр безгә каршы чыгарга мөмкин. Мин Россия белән Белоруссия конфликтын күрәм һәм Эстония, Латвия белән мөнәсәбәтләр яхшырырга тиеш. Урта Азиядән булган республикалар белән дә аралар яхшы булачак.
Эрдоган киткәнчегә кадәр Төркия белән дошманлык дәвам итәчәк. Ярты ел эчендә Египет белән мөнәсәбәтләр яхшырачак. Россиядә сугыш булмый, әмма безнең гаскәрләр хәрби хәрәкәтләрдә катнашачак. Күпләр өченче дөнья сугышы турында сөйли, юк сүз ул. Атом-төш сугышы да булмый. Быелның август һәм сентябрь айларында борылыш булу ихтималы бар.
Һава торышы
Февраль, март - бик куркыныч айлар. Февральдә су басулар, гарасатлар, цунами булырга мөмкин, Европа территориясендә вулкан "уяначак". Төньяк Америка белән Мексикада су басу көтелә. Бөтен дөньяда катаклизм булачак - һәрвакыт эссе булган җирдә кар яварга, һәм киресенчә булырга да мөмкин. Россиядә җәен корылык көтелә, шулай да бер айда яңгыр ишеп-ишеп явачак.
Вакыйгалар
Теракт ясау омтылышлары күп булыр. Февраль ахыры, март башы - самолетта очу өчен куркыныч вакыт санала. Быел маньяклар, неврастения белән авыручылар, депрессиягә бирелүчеләр, суицидлар артырга мөмкин.
Икътисад
Экстрасенс Алсу Газимҗанова Россия киләчәге турында менә нәрсәләр фаразлый
Доллар юкка чыгачак. Ул 80 сумга җитәргә мөмкин, 100 гә күтәрелмәячәк. Хөкүмәт моңа юл куймый. Соңрак доллар я бетәчәк, я бик нык түбән төшәчәк. Россиядә долларны гел күрмим. Мин аны 20 сум була дип әйткән идем. Ул вакытта 19-29 саннарын һәм 8 цифрасын күргән идем. Бәлки "8" ул августтыр?
Сәламәтлек
Грипп эпидемиясе хәзер бетәчәк, әмма җәен ниндидер инфекция белән бәйле башка эпидемия күренә. Онкологияне яхшы дәвалый башлаячаклар, яман шеш авыруларын җиңә торган ниндидер технологияләр барлыкка киләчәк. Яңа да түгел ул, элементар, гади нәрсә, тик моңа кадәр бу хакта һич уйлап карамыйлар. Йөрәк белән кан тамырларына игътибар бирергә кирәк.
Гаилә
Кәбисә елында кияүгә чыгарга, бала алып кайтырга ярамый, диләр. Әмма бу - маймыл елы, ул гаилә коруны хуплый. Кияүгә чыгу һәм бала алып кайтудан курыкмагыз, бары тик боларны бәйрәмнәрдә һәм ураза вакытларында гына эшләргә ярамый.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: