Заман сулышы

Хәбибуллиннарда - янә җиңү!

Татарстанда фермерлык хәрәкәтенең 30 еллыгы хөрмәтенә багышланган тантаналы чарада “Гаилә фермасы династиясе” республика конкурсы җиңүчеләрен дә бүләкләделәр.

 

Җиңүчеләр арасында безнең район фермеры да бар. Ул Урмышлыдан Хәбибуллиннар гаиләсе. Фәнзәт Хәбибуллин фермерлык эшчәнлеге белән 2006 елдан, ә аның улы Азат 2014 елдан шөгыльләнә. Хуҗалыкта алар бергә бердәм булып эшлиләр. Азат урып-җыю чорында комбайн штурвалы артына утыра. Авыл тормышын яратып, үз туган авылы кыр-басуларын иңләү аның күңеленә рәхәтлек бирә.

Хәбибуллиннарның фермерлык хуҗалыгында азык, бөртекле культуралар игелә. Хуҗалык урак вакытында мул уңыш алу буенча да үрнәк күрсәтә. Шулай ук биредә  285 баш мөгезле эре терлек тә исәпләнә. Сөт җитештерүдә алдынгы позициядә торалар.

Реклама

 Республика конкурсында Татарстанның 5 районыннан (Лениногорск, Саба, Теләче, Менделеевск, Чистай) 5 фермер династияләре җиңүче булган. Аларны Татарстан Авыл хуҗалыгы һәм азык-төлек министры Марат Җәббаров тәбрикләде. Җиңүчеләргә 100 мең сумга сертификат  тапшырылды.

Фото: https://tatar-inform.tatar/  Владимир Васильев фотосы

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: