Заман сулышы

Гәрәй Рәхим вафатына берничә көн кала соңгы шигырен язган

Шагыйрь Ләбиб Леронның кулына Гәрәй Рәхимнең соңгы шигыре килеп кергән.

 

Бу хакта Ләбиб Лерон үз Инстаграм сәхифәсендә яза:

"Гәрәй Рәхимнең соңгы шигыре... Вафатына санаулы гына көннәр калганда, Әҗәлетдин белән кабат очрашыр алдыннан язылган... Әдип үзе искәрткәнчә, үлем белән ул моннан шактый еллар элек - 1974 елда ук очрашкан иде... Ул вакытта ярты үпкәсен кистереп кенә Әҗәлетдиннән котылган иде...

Шигырь "Ядәч" дип атала

Реклама

Мин ядәчле уйныйм үлем белән -
Уен саен аңа: "Ядәч!" - дим.
Сиксән яшьне узып киткәндә дә
Җиңүчесе булам ядәчнең.

Үлем белән янәшә үк булдым
Кискән чакта ярты үпкәмне.
Хирургым да әйтте: "Ядәч!" - диген,
Син яшәүнең дусты күптәнге

Игътибар: шигырьгә нокта куелмаган... Язылып бетмәгән, димәк...

Әлеге шигырьне миңа шагыйрьнең хатыны Диләрә ханым кичә (13.09.2021) ватсап аша җибәрде...", дип яза Ләбиб Лерон.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: