Прокурор җиңде

Шәһәр һәм район оешма-предприятиеләре җитәкчеләре арасында шәһәр мэры кубогына барган өченче бильярд уеннары тәмамланды.

Турнир ике көн дәвам итте. Үзебезнең җитәкчеләрдән тыш, анда республиканың иң көчле бильярдчысы, ТР Дәүләт Советы Рәисе Фәрит Мөхәммәтшин да катнашты. Кискен ярыштан соң җиңүчеләр билгеләнде. Мэр кубогын икенче мәртәбә рәттән шәһәр һәм район прокуроры Петр Гринь алды. II урынга - "Лениногорскгаз" идарәсе начальнигы Әнәс Вәлиев, III урынга - муниципаль районның башкарма комитеты эшләре белән идарә итүче Фәрит Фәрхетдинов чыкты. Җиңүчеләргә дипломнар һәм призлар тапшырылды.