Заман сулышы

Лениногорск абитуриентлары игътибарына: югары уку йортына документларны почта аша җибәрә аласыз

Россиядә югары уку йортларына кабул итү кампаниясе башланды. Россиядә югары уку йортларына кабул итү кампаниясе башланды. 2009 елдан абитуриентлар сайлаган уку йортына керү өчен документларны почта аша җибәрә ала. Әлеге алым эшне шактый җиңеләйтә. Кичәге мәктәп укучысын үзенә документлар белән кабул итү комиссиясенә барудан азат итә. Бу хакта Татарстан Мәгълүматлаштыру...

Россиядә югары уку йортларына кабул итү кампаниясе башланды.

Россиядә югары уку йортларына кабул итү кампаниясе башланды. 2009 елдан абитуриентлар сайлаган уку йортына керү өчен документларны почта аша җибәрә ала. Әлеге алым эшне шактый җиңеләйтә. Кичәге мәктәп укучысын үзенә документлар белән кабул итү комиссиясенә барудан азат итә. Бу хакта Татарстан Мәгълүматлаштыру һәм элемтә министрлыгы сайтында хәбәр ителә.

Россия Почтасы кабул итү кампаниясе вакытында югары уку йортлары җибәрелгән хатларны адресатларына тапшыруга зур игътибар бирә. Абитуриентларның хатлары иң беренче чиратта карала, ә югары уку йортларына хезмәт күрсәтә торган элемтә бүлекләре көн саен кабул ителгән хатларны адрес буенча тапшыра. Әмма хатларны вакытында тапшыру почтаның көйле эшеннән генә тормый, ул шулай ук җибәрүченең гади, ләкин мөһим булган кагыйдәләрне үтәвенә дә бәйле.

Документлар вакытында килсен һәм дөрес адрес буенча тапшырылсын өчен түбәндәгеләрне үтәргә кирәк:

1. Югары уку йорты куйган вакытны истә тотып, документларны алданрак җибәрергә. Россия буенча хатлар барып җитүнең контроль сроклары турында https://www.pochta.ru/documents/10231/17590/New_terms_lettercorr.pdf/067baef4-5474-404c-8665-2d8a22ccca87сайтында танышырга мөмкин.

2. Сайланган югары уку йорты кабул итү комиссиясенең почта адресын кабат-кабат тикшерергә.

3. Адрес языла торган юлларны дөрес тутырырга, индексны дөрес язарга. Кабул итүченең адресы конвертның аскы уң як почмагында, җибәрүченеке өске сул як почмакта языла.Үз адресларыгызны тулысы белән күрсәтү яхшырак. Бу кабул итү адресы дөрес язылмаган очракта, документларның кабат сезгә кире кайтуына ярдәм итәчәк.

4. Документларны заказлы хат белән яки исемлек һәм белдерү белән бандероль итеп җибәрергә кирәк. Заказлы җибәрүгә уникаль трек-номер куела. Ул pochta.ru сайты яки Почта Россиянең мобиль кушымтасы аша кабул итүчегә барып җиткәнен күзәтергә ярдәм итә. Куелган исемлек сезнең югары уку йортына барлык кирәкле документларны тәкъдим итүегезне гарантияли. Аны документлар пакетын җыйганда өйдә онлайн тутырырга https://www.pochta.ru/form?type=F107 һәм принтерда чыгарырга мөмкин. Югары уку йортына хат барып җиткәч, документлар кабул ителгәнүе хакында сезгә килгән белдерү кәгазе юридик раслау көченә ия.

5. Почта бүлеге биргән квитанцияне саклагыз. Анда трек-номер язылган була.

http://tatar-inform.tatar/

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: