Абхазиядә Россиядән килгән туристны һәм аның өч баласын көчле агым алып киткән
Гаграда Санкт-Петербургтан килгән туристны һәм аның өч баласын су коенган вакытта дулкын алып киткән,
бер бала һәлак булган, хатын-кызны эзлиләр.
Бу хакта Абхазия гадәттән тыш хәлләр министрлыгы матбугат хезмәте хәбәр итә.
Ведомство мәгълүматлары буенча, кунакханә җитәкчелеге Россиядән ялга килгән хатын-кызга диңгездә коенмаска киңәш итсә дә, ул барыбер балалар белән су коенырга киткән. Нәтиҗәдә, алар Бызыбь елгасына килеп җитә.
Диңгездә коенучыларны көчле агым алып китә. Шаһитлар коткаручыларны чакырткан, алар килеп җиткәнче судан бер баланы алып чыга алганнар. Соңрак гадәттән тыш хәлләр министрлыгы хезмәткәрләре калган балаларны да судан чыгарганнар, әмма аларның берсе соңрак хастаханәдә үлгән. Хатын-кызны эзлиләр.
фото https://pixabay.com/ru/
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев