Авылым гүзәллеге проекты финалистлары арасында лениногорскилылар бар

Татар авыллары үзенең тырыш халкы, көнкүреше, табигате белән матур. Әмма күбебез еш кына тиешенчә үз туган ягыбызның матурлыгы белән соклана, аның табигатен кадерли, кешеләрен хөрмәт итә белмибез. Туган ягыбызны кадерләргә, табигатен сакларга, авылларны яхшыртырга, аннан чыккан шәхесләрне белергә һәм хөрмәт итәргә кирәк.

Проект Инстаграм һәм ВКонтакте социаль челтәрләрендә үткәрелде. 21 көн дәвамында әлеге проект кысаларында көн саен туган авылыңның гүзәллеген күрергә һәм әлеге гүзәллекне башка кешеләргә дә ирештерергә кирәк иде.

Марафонда катнашырга 300 дән артык кеше катнашырга теләк белдерсә дә, нибары 140 ка якын кеше генә финалга барып ирешә алды.
Лениногорск районы финалистлары:

Әлфия Магизянова-Галимова
Ләйсән Рахманова-Шамсуарова
Рушания Гирфанова
Сания Вахитова
Таһир Шамсуаров
Халисә Хәертдинова
Зөлфия Мөхәмәтҗанова