Дәүләт Думасында пенсияләрне автомат рәвештә арттыру турында сөйләделәр
Россиядә яшәүчеләрнең пенсияләре автомат рәвештә индексацияләнәчәк. Алар 8 – 10 процентка артыр дип планлаштырыла. Дәүләт Думасының Хезмәт, социаль сәясәт һәм ветераннар эшләре комитеты әгъзасы Светлана Бессараб «Москва 24» каналы эфирында шул хакта сөйләде.
Индексацияләү башкарылсын өчен пенсионерларга берни дә эшләргә кирәкми, Пенсия фонды гариза һәм документларны җыймыйча гына тиешле гамәлләрне башкарырлык мөмкинлекләргә ия, дип ассызыклады ул.
Парламентарий сүзләренчә, Пенсияләрнең күпмегә арттырылачагы әлегә төгәл билгеле түгел. Бу мәсьәләгә карата Министрлар Кабинетында һәм Дәүләт Думасының профильле комитетларында фикер алышалар.
«8 – 10 процент күләмендә карала. Бу якынча 9 процент булачак», – дип билгеләп үтте Бессараб.
https://pixabay.com/ru/
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев