Яңа Иштирәклеләр маскировка челтәре үрә (+фотолар)

Сугышлы һәм Юлтимер авылы хатын-кызлары маскировка челтәре үрә, дип язган идек инде. Инде менә Яңа Иштирәк авылында яшәүче хатын-кызларыбыз да, махсус хәрби операция зонасында булган якташларыбыз тормышына битараф булмыйча, өйләрендә булган  челтәрләрдән маскировка челтәре үрә башлаган. 

Бу хакта үзенең ВКонтакте социаль челтәрендә Яңа Иштирәктән  Гөлия Мавлютова хәбәр итә. Шулай ук Яңа Иштирәк авылы тормышы ВКонтакте төркемендә дә язып куйганнар бу хакта. 

Районыбызда яшәүче хатын-кызларыбызга мондый изге эштә Аллаһы Тәгалә ярдәменнән ташламасын, ә махсус хәрби операция зонасында булган якташ ир-егетләребез исән-сау өйләренә кайтуларын телибез, дигән теләктә калабыз.