Лениногорск ЮХИДИ идарәсе рейд уздырды, хокук бозучылар ачыкланды

Рейд барышында 12 хокук бозучы ачыкланды. Бер очрак - исерек шофер белән бәйле. машина йөртүчегә 30 мең сум штраф салачаклар һәм 1,5 елга машина йөртү хокукыннан мәхрүм калачак.

Өч очрак - алда бара торган машинаны узып китү максаты белән каршы як полосага чыгу белән бәйле. Моның өчен шоферга 5 мең сум штраф һәм "права"сыннан 12 айга колак кагачак.

Төзек булмаган автомобиль белән йөрү факты да ачыкланган. Хокук бозучыны шулай ук штраф көтә. Ун көн эчендә автомобилен техосмотрга күрсәтергә тиеш булачак.