Лениногорскида Татарстанның яшь интеллектуаллары 143 проект яклады

Укучыларны уздырган тикшеренүләр күп төрле: компьютерлар өчен программа эшләүдән башлап, альтернатив энергия чыганаклары булдыруга кадәр. Быелгы юбилей форумы да искәрмә булмады, 2нче мәктәптә проектларны презентацияләү үтте.

Яшь эзләнүчеләргә компаниянең яшь нефтьчеләре («Татнефть – синең мөмкинлекләрең платформасы” инициатив проектлар конкурсы кысаларында) һәм “Лениногорскнефть” идарәсенең 2нче социаль-педагогик комплексы ярдәм итте.

Секцияләр эшли башлар алдыннан укучылар, аларның әти-әниләре һәм педагоглары мастер-классларда катнаштылар.

Әйтик,  кунаклар курчак тегәргә, агачтан ат фигурасын кисеп, кечкенә турпоходка барып карадылар, шулай ук рәссам-фантаст Евгений Завитневич күргәзмәсендә картиналар һәм арт-объектларны күрделәр, мәктәпнең геология музеена керделәр.

Презентацияләнгән эшләрнең тематикасы бик күп төрле булды. Мәсәлән, Лениногорск нефть техникумы 3 курс студентлары нефть чыгару һәм транспортлау принцибын ачык күрсәтүче магистраль нефть үткәргеч макетын ясаганнар. Конструкцияләнгән модель җитештерүдә беренче ярдәмче булачак, шулай ук штаттан тыш хәл килеп чыкканда проблеманың кайда барлыкка килүен аңларга мөмкин булачак, дип аңлаттылар.

2 нче мәктәпнең өченче сыйныф укучылары Виктория Ерпылева һәм Маргарита Курышева гипоаллерген шоколад рецептын эшләгәннәр.

“Эшләрнең дәрәҗәсе, аларның сыйфаты һәм актуальлеге мине шаккатырды. Катнашучыларның һәр проекты үзенчә файдалы. Практик кулланышны һәркем өйрәнүдә дә, җитештерүдә дә таба ала. Мәсәлән, Лениногорск нефть техникумының «Информатика» секциясендә икенче курс студенты Хәлимә Гимранова «1С» платформасында хезмәткәрләрнең чыгымнарын һәм хезмәт хакын исәпләүне алып барырга мөмкинлек бирүче автоматлаштырылган мәгълүмат системасын эшләгән. Ә икенче мәктәпнең тугызынчы сыйныф укучысы Руслан Ибраһимов үз операцион системасын булдырды”, - дип билгеләп үтте секция эксперты Мария Сәгъдиева.

Конференция нәтиҗәләре буенча комиссия әгъзалары җиңүчеләрне, призерларны һәм лауреатларны билгеләделәр. Бүләк итеп һәркемгә зирәклек һәм үсеш символы буларак ябалак фигурасы бирелде.

• Белешмә.
• Юбилей форумына Татарстанның 16 муниципаль районыннан мәктәп укучылары һәм урта махсус уку йортлары укучылары җыелды. Конкурска барлыгы 183 эш тәкъдим ителгән, 143 проект сайлап алынган. 14 секциядә:  “Геология. География”, “Техник иҗат”, “Физика. Математика”, “Информатика”, “Социаль фәннәр”, “Инглиз теле”, “Туган якны өйрәнү. Археология” (кече һәм өлкән төркемнәр), “Рус филологиясе. Әдәбият белеме”, “Татар филологиясе. Әдәбият белеме”, “Яшь эзләнүче-тикшеренүче” (гуманитар һәм табигый фәннәр юнәлеше), “Минем гаиләм тарихы”, “Табигый фәннәр (Медицина, Химия, Биология, Экология)” секциядә 170 укучы үз эшләрен яклаган.

Анастасия Петрова.
Сергей Трусов фотолары