Лениногорскилы хатын-кызны үтергән өчен хөкем ителде
35 яшьлек лениногорскилы кабат хөкем ителүчеләр эскәмиясендә. Ул хатын-кызны үтерүдә гаепләнә.
Ир-ат элек тә үтерү өчен хөкем ителгән булган инде. 7 ел утырып, 2022 елның февралендә төрмәдән азат ителгән. Һәм, быел 2023 елның июнь аенда ул янәдән җинаять кылган.
Суд материалларыннан күренгәнчә, лениногорскилы бер хатын-кызның фатирында спиртлы эчемлек кулланып утырганда бәхәс чыга. Хатын-кызның наркотик матдә кулланганы ошамый аңа, ул аңа аны кулланмаска куша, ә хатын-кыз каршы килә һәм аңа яман сүзләр әйтә башлый. Билгеле, ир-атка бу ошамый һәм ул өстәлдән пычак алып аның корсагына кадый. Хатын-кыз алган җәрәхәттән үлә. Аның үлемен 9 көн үткәч кенә ачыклыйлар һәм ир-атны тоткарлыйлар.
Гаепләнүче аерым режимлы төзәтү колониясенә 12 ел да 6 айга җибәрелә, 1 ел ирегеннән чикләү срогы белән.
Фото: Лениногорск-информ
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев