Лениногорскилы Мария Федотова 90 яшьлек юбилее белән котлау алды (фото)

Район башлыгы урынбасары Гөлфирә Рафикова шәһәрдәшебез Мария Федотованы 90 яшьлек юбилее белән котлады.

Аңа Россия Федерациясе Президенты Владимир Путинның һәм район башлыгы Рәгать Хөсәеновның бүләген тапшырды. Юбилярга озын гомер, сәламәтлек, тыныч картлык теләде.

Гомер буе мәктәптә хезмәт куйган ветеран хөрмәт итәләр. Язарга һәм укырга өйрәткән укытучыларын укучылары һаман да онытмыйлар, киңәш сорап килүчеләр дә бар икән.

- Иртәдән бирле телефон тынмый, котлыйлар да, котлыйлар. Минск, Мәскәү, Ульяновск, хәтта Германиядән хәтле шалтыраттылар. Әле сезгә яшәргә дә яшәргә, йөз яшегезгә дә шалтыртачакбыз һәм киләчәкбез диделәр, - ди киң куңелле, ачык йөзле Мария Семеновна.