Лениногорскилылар салкын фатирларда өши, җылы кайчан бирерләр

Шәһәр фатирларында салкын. Кызу көннәрдән соң кисәк кенә суытып җибәрде, таш биналар тиз арада суынды да. Кайвакыт хәтта урамда фатирга караганда да җылырак кебек.

Җылылык бирүчеләр ягу сезонына әзер. Норматив кына  ягу сезонын башлауны тоткарлап тора. Һава температурасы 5 көн дәвамында +8 градустан түбәнрәк булган очракта, җылы бирелә башлаячак.

Җылылык челтәрләре предприятиесе начальнигы Айдар Хисмәтуллин әйтүенчә,  авыл мәктәпләреннән заявка керсә, алар анда җибәрә ала. Ягу сезоны сентябрь ахырында гына башланыр, диде ул. Җылылык челтәрләренә тарифлар элеккеге дәрәҗәдә калганын да хәбәр итте.