Лениногорскиның ике Тыл хезмәтчәне Президенттан котлау хаты алды

Шушы көннәрдә шәһәребезнең ике Тыл хезмәтчәне Михаил Филиппович Кузнецов һәм Клавдия Васильевна Конищева олуг юбилейларын билгеләп үттеләр.

Аларның яшьлек елларына авыр сугыш, ачлык, юклык туры килгән. Кечкенә чактан ук тормыш дилбегәсен тартырга, күп эшләргә туры килгән.

Бүгенге көндә юбилярларыбыз лаеклы ялда. Балалары һәм якыннары хөрмәтен күреп яшиләр.

Михаил Филиппович һәм Клавдия Васильевнаны Туган уөннәре белән котларга Район башлыгы урынбасары Гөлфирә Рафикова, 1нче, 12 нче ТОС хезмәткәрләре килгән иде. Алар Россия Президентының котлау хатын һәм Район башлыгы исеменнән бүләк тапшырдылар.