Мошенниклар армия мәсьәләсен “җайга салуны” тәкъдим итеп sms-хәбәрләр җибәрә башлаган

Мошенниклар армиягә бәйле мәсьәләне “җайга салуны” тәкъдим итеп смс-хәбәрләр җибәрә башлаган. Бу хакта “Известия” яза.

Алар башта, янәсе, хәрби комиссариаттан повестка җибәрелүе турында хәбәр итә. Анда бармаган очракта, куркыта башлый. Шуннан хәрби комиссариат белән элемтәгә керү, анда бу мәсьәләне “җайга салырга” ярдәм итү вәгъдә ителә. “Мобилизацияләнүче”гә ярдәм хакы билгеләнә, ә инде акча түләнгәч, элемтә шалт итеп өзелә.

Кибериминлек компаниясе белгечләре билгеләп үткәнчә, әле берничә көн элек кенә “кара базар”да аферистлар ипотека алучы гаиләләр турында мәгълүматлар җыю белән мәш килсә, инде хәзер өлешчә мобилизациядән акча эшли башлауга керешкән.

Моңа кадәр хәбәр ителгәнчә, мошенниклар социаль челтәрләрдә мобилизациягә эләгүчеләр өчен акчага “ак билет” ясауны, чит илгә чыгарга булышуны тәкъдим итә башлаган.

https://vatantat.ru/2022/09/92624/

https://photo.tatar-inform.ru/