Өзелергә тора гомере, өзгәләнә ана бәгыре...
Казанда яшәүче, берничә ел яман шеш белән авыручы Айгөл Фазыйлова баласын мәктәпкә әзерләүдә ярдәм сорый.
"Дусларым, сезгә зур үтенеч белән мөрәҗәгать итәм! Әмирне мәктәпкә әзерләүдә зур проблема килеп чыкты. Хәлем авырайды, мин 5 сентябрьдә химиотерапия ясатырга хастаханәгә ятам. Баланы илтә дә, алып кайта да алмыйм.
Тәрбияче яисә баланы йөртүче кеше эзлим. Бәяләрне караган идем, бик кыйммәт! Бәлки, сезнең ярдәм итә алырлык, вакыты буш булган танышларыгыз бардыр?
Әмирне 8гә илтеп, 11дә алырга кирәк. Шимбә, якшәмбе ял. Әмирхан урамыннан алып, Бичурин урамындагы 165нче мәктәпкә илтергә кирәк. Әгәр танышларыгыз булса, ярдәм итегез, зинһар. Хакын сөйләшер идек", - дип язган Айгөл Инстаграмдагы сәхифәседә,
Фото: kiziltan.rbsmi.ru
http://baltaci.ru/news/t%D3%A9rlese/ozelerg-tora-gomere-zgln-ana-bgyre
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев