Татарстан мәктәпләрендә татар телен укыту өч программа буенча оештырылачак
Яңа уку елыннан беренче һәм бишенче сыйныф укучылары яңартылган федераль дәүләт белем бирү стандартлары буенча укыячак,
ул Татарстанның дәүләт телен өйрәнергә мөмкинлек бирә. Тулаем алганда, республика мәктәпләрендә татар телен укыту өч программа буенча оештырылачак.
«Республикада татар телен өйрәтү өч программа (татар телендә белем бирә торган мәктәпләр өчен туган (татар) теле; рус мәктәпләре өчен туган тел һәм рус телендә белем бирә торган мәктәпләр өчен Татарстанның дәүләт теле буларак татар теле) буенча алып барылачак», - дип белдерделәр ТР Мәгариф һәм фән министрлыгының матбугат хезмәтендә.
Татар теле туган тел булмаган беренче һәм бишенче сыйныф укучылары аны «Татар теле – Татарстан Республикасының дәүләт теле» программасы буенча коммуникатив технологияләр нигезендә өйрәнәчәк. Бу әти-әниләр татар телен сайлаган очракка карый.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев