Укучыларга һәм укытучыга пычак белән ташланган 17 яшьлек егет тоткарланган
Башкортстан буенча Тикшерү комитеты җинаять кылуда шикләнелгән 17 яшьлек яшүсмерне “ике яки аннан да күбрәк затны куркыныч ысул белән үтерергә җыену” маддәсе буенча тоткарлаган. Бу турыда "Башинформ" хәбәр итте.
“Тикшерүчеләр шикләнелә торган затны аңа медицина ярдәме күрсәтелә торган хастаханәдә тоткарлаганнар. Тикшерүчеләр тоткарланган заттан табиблар рөхсәте белән сорау алалар. Аннары аңа карата җәза билгеләү мәсьәләсе хәл ителәчәк”, - дип хәбәр иткәннәр Россия Тикшерү комитетының Башкортстан Республикасы буенча Тикшерү идарәсе матбугат хезмәтендә.
Алдарак "Татар-информ" Стәрлетамакта 1нче номерлы мәктәптә тугызынчы сыйныф укучысы пычак белән укучыларга һәм укытучыга ташлануын, сыйныфка ут төртүен, үз-үзенә кул салырга тырышуын хәбәр иткән иде.
Башкортстанда укучы һөҗүм иткән мәктәптә өч олы кеше, бер бала яраланган. Аларны хастаханәгә озатканнар.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев