Бәрәңге кан басымын көйли, ашказаны җәрәхәтен дәвалый

Кан басымы һәрчак нормада булсын өчен көненә 300-400 грамм бәрәңге ашарга киңәш итә белгечләр.

Сүз, әлбәттә, майда кыздырылганы хакында бармый. Иң яхшысы - бәрәңгене духовкада кабыгы белән пешереп ашау.
Ә менә ашказаны җәрәхәте кискенләшкәндә бәрәңге суты белән дәваланырга була. Бу максатта аны көнгә ике тапкыр ашарга 30 минут кала яртышар стакан эчәргә киңәш ителә. Бер порция сут әзерләү өчен яхшылап юылган 2-3 бәрәңгене кабыгы белән угычтан уарга. Күзләрен чокып алырга кирәк, аларда соланин күп.

Марля аша сыгарга һәм сутны шундук эчәргә кирәк.
Кызыл бәрәңге суты ашказанына файдалырак, ди белгечләр.

Дәвалану курсы — 7 көн, дип яза Кызыл таң.

http://baltaci.ru/news/s%D3%99lam%D3%99tlek/brge-kan-basymyn-kyli-ashkazany-rkhten-dvalyy