Лениногорскилылар VIII кышкы Спартакиада җиңүчеләре арасында (фотолар)

Мартның беренче атнасында Чайковский шәһәрендә чаңгыда трамлинан сикерү һәм ике төр чаңгы ярышы буенча укучылар арасында Спартакиада үтте.

Ярышларда Россиянең барлык субектларыннан килгән спортчылар катнашты.

Лениногорскилы Нияз Галиев (ЛНТ) трамплиннан сикереп, бронза медаль яулады. Команда ярышларында Нияз Галиев, Александр Логинов (8нче мәктәп), Марс Садреев (8нче мәктәп), Руслан Ахметшин (6нчы мәктәп) составында дүртенче урын алдылар.
Ике төр ярышта республиканың җыелма командасы: Никита Кудряшев ( «ЛПК»), Андрей Окунев (11нче гимназия), Игорь Портняшкин (5нче мәктәп) һәм Казан егетләре составында дүртенче урын алды.