Лениногорскиның шахмат мәктәбендә узган “Лениногорск язы” турнирында 80 уенчы катнашты

Турнир спорт мәктәбенең беренче директоры Александр Васильевич Едутов истәлегенә багышланды.

Александр Едутовны бик яхшы, җентекле итеп аңлата торган тренер дип искә алалар. Дәресләрдә шахмат партияләрен генә түгел, ә тормышта кирәк булган мөһим киңәшләрен дә җиткергән, сугыштан соңгы авыр еллар турында да сөйләгән.

Быел ярышларның унөченчесе узды. Шахмат буенча көч сынашырга дип Әлмәт, Баулы, Бөгелмә, Казань, Октябрьский, Самара, Туймазы, Лениногорскидан – барлыгы 80 уенчы килде.

Акыл эшчәнлеге уены швейцар системасы буенча 9 турда үтте. Лениногорскилылар арасында иң яхшы күрсәткечләрне Захар Плюта, Владимир Шуваткин, Марат Гыйләҗев, Николай Мукаев, Наил Сафиюллин һәм  Артём Афанасьев күрсәтте.

фотолар: шахмат мәктәбеннән