Электрон хезмәт кенәгәсеме, әллә кәгазьдәме?
Әлегә электрон хезмәт кенәгәсен 20 процент татарстанлы гына сайлап алган, әмма, ел азагына кадәр һәркем үзенең төгәл җавабын бирергә тиеш.
Бу турыда хезмәт һәм социаль яклау министры Эльмира Зарипова болай диде: “31 нче декабрьгә кадәр, кадрлар яки персонал белән эшләү бүлегендә, үзегезнең нинди хезмәт кенәгәсе сайлавыгызны белдереп гариза язарга кирәк.
Электрон кенәгәне сайласагыз, сезнең элеккеге кәгазь кенәгәгез кулыгызга бирелә, сез аны сакларга тиеш,баштагы хезмәт елларыгыз турында, пенсиягә чыканда кирәкле булган мәгълумат, бары шунда гына сакланып кала .Әгәр кәгазь кенәгәгезне калдырырга уйласагыз, бу очракта хезмәт елларыгыз турында электрон кенәгә дә алып барылачак. Әгәр дә сез берсен дә сайлый алмыйсыз икән, бу очракта ике төр генәгәгез дә булачак Хезмәт елларын 2021 елда башлаган кешеләрдә бары электрон хезмәт кенәгәсе генә булачак.”
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев