Икенче балага ана капиталы 1 миллион сум булачак
Тагын 3 елдан икенче балага ана капиталы күләме 1 миллион сум тәшкил итәчәк, дип белдерде депутат Светлана Бессараб.
Аның сүзләренчә, 2025 елда ана капиталы программасы буенча түләүләрне 1,4 миллион россияле рәсмиләштереләчәк. Ә үзе ул 7,3 процентка артачак. 2025 елның 1 февраленнән ана капиталы күләме беренче балага – 677 мең, икенчесенә 894 мең сум тәшкил итәр дип көтелә. 2027 елда икенче балага ана капиталы күләме 1 миллион сум тәшкил итәчәк.
Ана капиталын кулланырга мөмкин булган төп юнәлешләр элеккечә калачак, дип ассызыклады депутат. Аның әйтүенчә, акчаны әти кешене, әни кешене һәм баланы дәвалауга җибәрү мөмкинлеге турында бәхәсләр алып барыла. Сүз дәвалау кыйммәткә төшә торган катлаулы орфан авырулары турында бара.
Шәһри Казан
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев