Лениногорск мәгариф хезмәткәрләренең ветераннар советы узган уку елына йомгак ясады

Мәгариф хезмәткәрләренең ветераннар советы активистлары шәһәр кафесында очраштылар. 

Чәй өстәле артында уку елына йомгак ясалды, ветераннар Советы Президиумы оештырган чараларның эчтәлеген һәм күптөрлелеген билгеләп үттеләр. Әлеге чаралар мәгариф ветераннар советы рәисе Люция Ильина җитәкчелегендә уза. 

Иҗат фестивальләре, шигъри кунак бүлмәләре, кызыклы кешеләр белән очрашулар, спорт бәйрәмнәре, өмәләр, балалар өчен чараларда катнашу, юбилярларны хөрмәтләү - ветераннар үткәргән чараларның бер өлеше генә әле бу.

Мәгариф хезмәткәрләре профсоюзы рәисе Марина Сосункевич пенсионерларның инициативаларын хуплаучы актив катнашучы һәм ярдәмче булып тора. Очрашуда катнашучылар профсоюздан татлы призлар алдылар һәм киләчәккә планнар билгеләделәр.

Ветераннар да, мәктәп укучылары кебек, каникулга китте. Яңа уку елында янәдән эшчәнлекләрен башлаячаклар. 

Мәгариф хезмәткәрләре профсоюз комитеты.