Лениногорск районында бозлы яңгыр электр чыбыклары өзелүгә китергән

Декабрь уртасында яуган яңгыр, әлбәттә, юлларда бозлавык барлыкка китерде, хәтта басып торып булмый иде. Бүген  күпчелек халык дүшәмбе иртәсен такси чакыртудан башлады.

Торак-коммуналь хуҗалык белгечләре юлларны һәм тротуарларны тоз һәм ком белән сибәргә чыкты.

Лениногорск районындагы авылларда: Дурасово, Восход, Елхово, Иске Варваринка, Сарабиккол, Сходнево Чертанлыда электр чыбыклары бозланып, өзелгән. Ул авылларда электр энергиясе буенча эшләр башкарылып, энергия белән тәэмин итүне торгыздылар.

Бүген иртән исә Михайловка һәм Медведка авылларындагы электр чыбыклары өзелү турында хәбәр килгән. Электрчылар бригадасы урында эшлиләр.