Лениногорскиның «Сәрвиназ» ансамбле Халыкара фестивальдән Диплом алды
Лениногорск Мәдәният сараенда «Сәрвиназ» вокаль ансамбле эшләп килә.
Ансамбльнең җитәкчесе - Рәмзия Галимова. Ансамбль Әлфия Авзалова исемендәге өченче халыкара фестивальдә чыгыш ясады.
9 сентябрь көнне Казанның «Сәйдәш» мәдәни үзәгендә Әлфия Авзалова исемендәге III Халыкара фестиваль-конкурсы узды. Конкурсның максаты-легендар җырчы истәлеген мәңгеләштерү, татар халык җырларын эстрада башкаруга нигез салучы Әлфия Авзалованың иҗади мирасын үстерү, дөнья мәдәниятенең бер өлеше буларак татар милли мәдәниятен үстерүгә ярдәм итү.
"Сәрвиназ" ансамбле уңышлы чыгыш ясап, финалист Дипломы белән бүләкләнде, дип хәбәр итә Мәдәният сарае.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев