Рөстәм Миңнеханов Татарстанның Мактау тактасы ачылу турында хәбәр итте

«Анда республикабызның хезмәт кешеләре турында мәгълүмат урнаштырылачак! Меңләгән кеше заводларда эшләп, икътисадыбызның тотрыклылыгын тәэмин итә, йөзләгән мең авыл хезмәтчәне өстәлебездә икмәк булсын өчен көн саен тырыша! Татарстан Мактау тактасын оештыруда республикабызның 5 меңгә якын эре һәм кече предприятиясе катнашты. Алар барлыгы 15 меңгә якын иң тырыш һәм уңган хезмәткәрләрен мактауга тәкъдим итте. Кандидатлар арасында мәртәбәле ветераннар, тәҗрибәле осталар, махсус хәрби операция геройлары да бар», – дип язды Рөстәм Миңнеханов. 

Лауреатлар турындагы мәгълүмат gordost.tatar.ru санлы платформасында урнаштырылачак.