Татарстан хәрби комиссариаты армиягә чакыру кәгазен социаль челтәр аша да җибәрәчәк

Татарстанда быел 1 апрельдән 15 июльгә кадәр хәрби хезмәткә язгы чакырылыш кампаниясе дәвам итәчәк. Армиягә чакыру кәгазьләрен традицион ысул, шулай ук электрон почта һәм социаль челтәрләр аша да җибәрәчәкләр.

«Социаль челтәрләр «аерым очрак»та кулланылачак», диелгән Татарстан хәрби комиссары Сергей Погодин имзалаган хатта. (Бу документ «Татар-информ» агентлыгында да бар.) Шул ук вакытта чакыру кәгазен электрон рәвештә җибәрү дөрес булып саналачак.

Хәрби комиссариатта хәбәр итүләренчә, бу ысул эпидемия куркынычы булу сәбәпле кабул ителгән. Әлеге эштә Федераль сак хезмәтенең Татарстандагы Махсус элемтә үзәге техник ярдәм күрсәтәчәк.

https://tatar-inform.tatar

фото: https://pixabay.com/ru/