Татарстан мәктәпләрендә кышкы каникул озайтылмаячак

Татарстан укучылары өчен яңа ел каникуллары 28 декабрьдән 10 гыйнварга кадәр узачак. Аларны озайтырга уйламыйлар. Бу хакта Роспотребнадзорның ТР буенча идарәсе җитәкчесе урынбасары Любовь Авдонина хәбәр итте.

«Нәкъ менә бүген бу мәсьәлә көн үзәгендә тормый, чөнки Яңа ел каникулларын озайту өчен бүгенге көндә хәл катлауланмаган. Яңа ел каникуллары озайтылмаячак», — дип билгеләп үтте спикер.Любовь Авдонина мәктәп яны лагерьларының каникуллар вакытында ТР буенча Роспотребнадзор контролендә эшләячәген әйтте.