Заман сулышы

Якташ язучы Рәмзия Габделхакова тәрҗемә иткән шигырь

Кадер киче Кадер киче. Вакыт тынып калган. Нур түгелә җиргә алтын айдан. Аллаһыга мәдхияләр ява Күккә баккан биек манарадан. Кадер киче. Ак чалмалы таулар Оеп төбәлгәннәр төпсез күккә. Тик җан тояр җылы сер тирбәлә Көмеш нурга чумган чиксезлектә. Бәллүр булып чыңлый куе һава, Күпме дога сеңгән куенына. Азан моңы җирне...

Кадер киче

Реклама

Кадер киче. Вакыт тынып калган.
Нур түгелә җиргә алтын айдан.
Аллаһыга мәдхияләр ява
Күккә баккан биек манарадан.

Кадер киче. Ак чалмалы таулар
Оеп төбәлгәннәр төпсез күккә.
Тик җан тояр җылы сер тирбәлә
Көмеш нурга чумган чиксезлектә.

Бәллүр булып чыңлый куе һава,
Күпме дога сеңгән куенына.
Азан моңы җирне төрә назга,
Рәхәтлеккә чумган бөтен дөнья.

Кадер киче. Юмарт фәрештәләр
Юаталар сыйпап һәр күңелне.
Йөрәкләрдән өмет-теләк саркый:
Аллаһыбыз!
Рәхим-шәфкатеңнән,
Рәхмәтеңнән ташламачы безне!
(И. Буниннан Рәмзия Габделхакова тәрҗемәсе)

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: