Районда чәчү башланды

Узган атнада район хуҗалыклары язгы чәчүгә кереште, дип хәбәр итә авыл хуҗалыгы идарәсе.

Хәзерге вакытта 2 мең 300 гектарда арпа, 350 гектарда борчак чәчелгән. Шул ук вакытта берьеллык үләннәр һәм яшел массага кукуруз чәчү эше дә бара. Быел хуҗалыклар алдында 38 мең гектардан артык мәйданда чәчүне башкарып чыгу бурычы тора. Уҗымнарны, күпьеллык үләннәрне тукландыру, тырмалау эше дәвам итә. Хезмәтчәннәргә уңышлар телибез. Әлегә "Йолдыз", "Агропродсервис" хуҗалыклары чәчүне башламаган.