Айгөл Бариева: «Фотога төшү - кешенең энергиясен ала»

Ә сез балагызның фотосын интернетка урнаштырырга курыкмыйсызмы?

Айгөл Бариева, Татарстанның атказанган артисты:

- Еллар узгач искә алырга, истәлек итеп сакларга дип, балаларның фотоларын күбрәге үзем өчен урнаштырам. Берсендә телефоным ватылгач, барлык мәгълүмат та юкка чыкты, фотолар да бетте. Шул чакта нәкъ менә социаль челтәр аша бар фотоларны кабат туплый алдым. Икенче яктан, курку да бар. Дәү әни: «Фотога күп төшәргә тырышмагыз. Һәр фотога төшү - кешенең энергиясен ала», - дип әйтә иде. Мин аның белән килешәм. Шуңа да социаль челтәрдәге ябык битемдә генә фотолар урнаштырам. Безнең һөнәр шундый инде. Фотога төшмичә мөмкин түгел. Аллага тапшырган. Ул гына безне саклый. Балаларга да догалар өйрәттем, үзем дә сәхнәгә чыкканда, эш башлаганда, беренче чиратта, догалар укыйм.

http://shahrikazan.com/