Җил-давыл Азнакайга зыян салган (фотолар)

24 июльдә, якшәмбе көнне, Азнакайда җәйге давыл купкан. Табигатьнең көйсезләнүе кичкә таба - сәгать 4-5ләр тирәсендә булган.

"Шунысы аеруча аптырашлы: Азнакайның бер башында коп-коры, чагыштырмача тыныч. Ә менә иске Азнакай очында давыл котырыпмы, котырган, - дип яза "Маяк" газеты. - Көчле җил ишек алды төзелешләре, гараж түбәләренең шиферларын очырган. 1 Май урамында шәхси торак йортның түбәсен алып аткан. Ә менә якын-тирә Мәнәвез, Яңа-Юл, Әгерҗе авылларында боз яуган"

Могҗиза дими ни дисең: бер полоса булып узганга давылны бер үк авылда яшәүчеләрнең кайберләре сизми дә калган.

Чыганак: http://intertat.ru

Фото: vk.com/mayak33005