"Лениногорск-информ" филиалы Җиңү бәйрәменә багышланган проектка старт бирә

Анда катнашу өчен Бөек Ватан сугышында катнашкан яисә тыл хезмәтчәне булган туганыгыз яки якын кешегез турында язып җибәрергә кирәк. Бәлки сездә сугыш елларының гаилә ядкаре сакланадыр, аның хакта мәгълүмат бирү дә бик әһәмиятле булачак. Архив документлары һәм фотолар юлласагыз да ярый, әлбәттә, алар кире кайтарылачак.

Язмалар ике телдә: татар һәм рус телендә кабул ителә. Мәкаләр “Заман сулышы” һәм “Лениногорские вести” газетларында басылачак.

Иҗат җимешләрегезне: zaveti@mail.ru, zaman5@yandex.ru электрон почталарына җибәрә аласыз.

Шулай ук «Үлемсез полк» акциясен онлайн форматта, газет битләрендә уздырыйк. Моның өчен Бөек Ватан сугышында катнашучы турында кыскача, исем-фамилиясен, кайда хезмәт итүен, сугышчан юлын, булса – хәрби бүләкләре турында язып җибәрергә кирәк. Фотосы белән бергә әлбәттә. 

Язмалар шулай ук ике телдә кабул ителә.