Лениногорск ЗАГС бүлеге хезмәткәре Азнакайдан II урын алып кайтты (фотолар)

26 июнь көнне Азнакайда ЗАГС бүлеге хезмәткәрләре арасында һөнәри осталык конкурсының зональ этабы узды.

Анда Татарстанның 9 районыннан килгән хезмәткәрләр көч сынашты. Кунакларны җылы каршы алдылар, Азнакай башкарма комитет җитәкчесе урынбасары Дамир Гыйләҗев һәм Татарстан Министрлар Кабинеты ЗАГС идарәсе начальнигы урынбасары Ренат Әхмәтҗанов сәламләде, уңышлар теләде.

Конкурс нәтиҗәсе буенча шәһәр ЗАГС бүлеге хезмәткәре Светлана Юнысова конкурсның зональ этабында "Рус телендә никахлашу тантанасын иң яхшы алып баручы" номинациясендә II урын алды, диплом белән бүләкләнде.