Лениногорскида Пасха күчтәнәчләрен җыюны иртәдән башладылар

Православие динен тотучылар бүген Пасха бәйрәмен билгеләп үтә.

Бала-чага иртәдән үк - сәгать алты тулганганчы ук бәйрәм белән котлап, йорттан-йортка, фатирдан-фатирга кереп йөрде, конфет, йомырка, акча, печенье ише күчтәнәчләр җыйды.

"Традицион диннәр үсешенә даими ярдәм күрсәтелә, төрле халык вәкилләре һәм төрле дин тотучылар арасында хезмәттәшлекне һәм үзара аңлашуны ныгытуга зур игътибар бирелә килгән күпмилләтле Татарстанда Пасханы дусларча, туганнарча ачык күңел, хәерхаһлык һәм игелек теләү рухында уздыралар" диелә Татарстан Президенты Рөстәм Миңнехановның котлавында.