Лениногорскида туып-үскән Диана Таҗиева Президент стипендиясенә ия булды (фотолар)

автор, 2 февраль 2017 - 10:12

643

Шәһәребездә туып-үскән Диана Таҗиева - республиканың иң яхшы 100 студенты арасында. Татарстан Президенты стипендиясен аңа студентлар көнендә Казан шәһәренә чакырып тапшырганнар. Диана хәзерге вакытта Санкт-Петербургтагы Дәүләт янгын куркынычсызлыгы хезмәте университетының дүртенче курсында укый, тиздән хыялы тормышка ашачак: махсус форма киячәк. Кечкенәдән үк актив булган, мәктәпне көмеш медальгә тәмамлаган кыз югары...

Лениногорскида туып-үскән Диана Таҗиева Президент стипендиясенә ия булды (фотолар)

Шәһәребездә туып-үскән Диана Таҗиева - республиканың иң яхшы 100 студенты арасында.

Татарстан Президенты стипендиясен аңа студентлар көнендә Казан шәһәренә чакырып тапшырганнар. Диана хәзерге вакытта Санкт-Петербургтагы Дәүләт янгын куркынычсызлыгы хезмәте университетының дүртенче курсында укый, тиздән хыялы тормышка ашачак: махсус форма киячәк. Кечкенәдән үк актив булган, мәктәпне көмеш медальгә тәмамлаган кыз югары уку йортында да алдынгылар рәтендә. Аның уңышларын җитәкчелек күреп бәяләгән, шуңа ул иң тырыш һәм мактауга лаеклы студентлар арасында.