Машинада бала янган

Ике малай ишегалдында уйнап йөргәндә әни кеше аларны «ВАЗ-2105» машинасы салонына яба да, үзе малларны ашатырга дип сарайга кереп китә.

Чыгуына автомобильдән куе төтен чыгып, машинаны ялкын биләп алган була. Малайларның берсе бу вакытта машинадан чыгып урамда уйнап йөри. Ә ике яшьлеге салонда янып үлә.

Бу аянычлы хәл Хабаровск өлкәсендә була. Хәзерге вакытта тикшерү бара. Гаилә имин гаиләләрдән санала. Соңгы вакытта гаилә башлыгының машинасы файдаланылмыйча ишегалдында торган була.

http://www.almet-rt.ru/