Шәһәрдәшебез тыл хезмәтчәне Камал әби Мәүлетовага 95 яшь тулды

Шушы көннәрдә тыл хезмәтчәне Камал Хамидулла кызы Мәүлетовага 95 яшь тулды. Зәй-Каратай авылы туып-үскән кызга тормышның төрлесен ачысы-төчесен күп күрергә туры килә. Әмма ул язмыш биргән сынауларда сынмый -сыгылмый. Тормыш иптәше, сугыш ветераны Сәгыйть абый белән биш кыз тәрбияләп аларны зур тормыш юлына озаталар. Бүген исә Камал әби биш кызы: Мәдинә, Минзилә, Рәмзия, Резеда һәм Рәзинәнең, кияүләренең, унбер оныгы һәм ун оныкчыгының күңел җылысын тоеп, кадер-хөрмәттә гомер кичерә.

Юбилее уңаеннан Россия Президенты Владимир Путинның Котлау хатын һәм муниципалитет бүләгенә ия булган шәәһрдәшебезгә саулык, тынычлык һәм шатлык-сөнечләр генә телибез!

Зилә Мөдәррисова