Соңгы 8 елда күренмәгән хәл: халыкның ярты кереме ашауга тотыла

Россия халкы иң беренче чиратта кирәк булган товардан баш тарта башлаган. Бу узган кризистан соң әле беренче тапкыр гына күзәтелә.

Шул ук вакытта азык-төлеккә тотылган акча барлык керемнең 50 %ыннан да артып киткән. Быелның февралендә исерткеч эчемлекләр һәм тәмәкене дә кертеп, азык-төлеккә тотылган акчалар халыкның бар булган кеременең 50,1 %ын тәшкил иткән. Узган ел бу сан 48,6 %, ә 2014 елда 47 % кына булган. Моңа кадәрге рекорд 2008-2009 елларда булган. Ул вакытта да керемнең яртысы азык-төлеккә китеп барган.

Әлеге күрсәткечләрнең үсүе реаль керемнең кимүенә бәйле, диелә. 2015 елның феврале белән чагыштырганда реаль хезмәт хакы 2,6 %ка, ә реаль керем - 6,9 %ка кимегән.

http://intertat.ru/