Заман сулышы

Татарстанда бер ир-ат өйдәш хатын-кызга ут төрткән

Россия Тикшерү комитетының Татарстан буенча идарәсе тарафыннан 41 яшьлек ир-ат - Юрий Томковка карата җинаять эше кузгатылган. Ул ут төртеп өйдәшен яндырырга теләгән. Тикшерү мәгълүматлары буенча, 17 майда, Тәтеш районындагы Алекин Аланы авылындагы бер йортта, исерек хәлдә булган Томков 48 яшьлек хатын-кызның өстенә янучан сыеклык сибә һәм ут төртә. Хатын-кыз...

Россия Тикшерү комитетының Татарстан буенча идарәсе тарафыннан 41 яшьлек ир-ат - Юрий Томковка карата җинаять эше кузгатылган. Ул ут төртеп өйдәшен яндырырга теләгән.

Тикшерү мәгълүматлары буенча, 17 майда, Тәтеш районындагы Алекин Аланы авылындагы бер йортта, исерек хәлдә булган Томков 48 яшьлек хатын-кызның өстенә янучан сыеклык сибә һәм ут төртә. Хатын-кыз ут капкан киемен салып ыргыта ала һәм урамга йөгереп чыга. Тиз арада ашыгыч ярдәм хезмәте чакыртыла. Хәзер тәненең 65 %ы 2-3 дәрәҗәдә пешкән һәм шул ук дәрәҗәдә шок кичергән хатын-кыз Тәтеш хастаханәсенең реанимация бүлегендә ята.

Хатын-кыз сүзләренә караганда, алар арасында низаг ир-атның эчүе аркасында чыккан. Моңа кадәр дә җинаять җаваплылыгына тартылганы булган Юрий Томков гаебен танымаган, якын арада аны сак астына алу мәсьәләсе хәл ителәчәк.

Тикшерү эше дәвам итә.

http://intertat.ru

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: