Лениногорскида криминал хәлләр

25-31 июль аралыгында шәһәр һәм районда 7 җинаять теркәлгән, полициянең дежур частенә 254 хәбәр килеп ирешкән. Исерек хәлдә машина йөртүче 5 кеше тотылган. Матди зыян белән 13 юл һәлакәте теркәлгән. Бу хакта эчке эшләр бүлегенең матбугат хезмәте хәбәр итә.

Сугышлы авылында 1976 елгы берәү 1954 елгы әнисе карата тавыш-җәнҗал куптара һәм күкрәк читлегенә пычак белән кадый.

1956 елгы ир белән 88 яшьлек әнисе арасында тавыш чыга, аннары ир аны кыйный. Ике сугыш чукмарларына карата җинаять эше кузгатылган.

1983 елгы бер ир-егеттән 0,28 грамм наркотик матдә алынган. Аңа карата җинаять эше кузгатылган.