Машинасына кызыгып, кызны үтермәкче булган

31 яшьлек ир-ат кайчандыр бергә эшләгән 25 яшьлек таныш хатын-кызыннан үзен Питрәчкә илтүен сорый.

Моның өчен машина багына тутырып бензин салырга вәгъдә итә. Питрәчкә килгәч, ир-ат кулына перчатка киеп, хатын-кызның муенын металл тросс белән чолгап буа башлый. Тартышканда тросс өзелә һәм хатын-кыз тиз генә машинасыннан йөгереп чыгып, полиция хезмәткәре яшәгән янәшәдәге йортка таба йөгерә башлый. Полицейский кызны күреп, эзәрлекләүчегә кычкырганнан соң ир-ат кача. Казанлыгы патруль экипажы тота. Элек тә караклыгы өчен хөкем ителгән Рамазановка карата җинаять эше кузгатылган.