Заман сулышы

Таһир Шәмсуаровтан шигырь - "Шөгер вокзалы"

Шөгер вокзалы Син мөгаен мине таныйсыңдыр, Заманында монда еш кергән. Иске вокзал билет сатмый инде, Алганы да күптән искергән... Күрешүләр белән озатулар Диварына аның сыенган. Белмәгәннәр ишек шакымагыз, Ачылмаска диеп ябылган. Бер мин генә шундый кеше микән, Туган җиргә өзелеп табына. Шөгер уртасында иске вокзал Мин бүген дә сине сагынам....

Шөгер вокзалы
Син мөгаен мине таныйсыңдыр,
Заманында монда еш кергән.
Иске вокзал билет сатмый инде,
Алганы да күптән искергән...
Күрешүләр белән озатулар
Диварына аның сыенган.
Белмәгәннәр ишек шакымагыз,
Ачылмаска диеп ябылган.
Бер мин генә шундый кеше микән,
Туган җиргә өзелеп табына.
Шөгер уртасында иске вокзал
Мин бүген дә сине сагынам.
Шөгер бит ул җырдан яратылган,
Хәтерләргә тузан кунмасын.
Мин вокзалда туктыйм, белә торып
Узганнарга кайтып булмасын.
Гаҗәпләнмә, олы тарих ята
Гади генә Шөгер сүзендә.
Иске вокзал искә төште менә
Искерәмме әллә үзем дә...
Таһир Шәмсуаров

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: