Йөрәк-кан тамырлары авырулары булган кешеләргә нинди балык ашарга ярамый?
Белгеч балык йөрәк өчен файдалы да була ала, дип ассызыклый.
Йөрәк-кан тамырлары авырулары булган пациентларга тозлы балык ярамый, дип кисәтә табиб-кардиолог.
Табиб билгеләвенчә, йөрәк авырулары булган кешеләрнең рационында тозлы балык булырга тиеш түгел. Анда тозның төп компоненты - натрий күп, ул кан басымын күтәрә, организмдагы сыеклыкны тоткарлый һәм шешенүгә китерә.
Кардиолог әйтүенчә, майда кыздырылган балык та йөрәк-кан тамырлары системасына начар йогынты ясый.
Белгеч балык йөрәк өчен файдалы да була ала, дип ассызыклый. Мәсәлән, аның сүзләренчә, лосось, макрель, сельдь, форель һәм сардина кебек майлы сортлар йөрәк-кан тамырлары авыруларын кисәтә. Кардиолог мондый балыкны атнага бер-ике тапкыр кулланырга киңәш итә.
Фото: "Лениногорск-информ"
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев