Заман сулышы

1 июнь - Халыкара балаларны яклау көне

Синең өчен, балам Синең өчен, балам, синең өчен Ак таңнарның телим атканын, Сандугачлы таңын, кояшлысын, Чишмәләрнең чылтырап акканын. Синең өчен, балам, синең өчен Тынычлыгын телим җиремнең, Кагылмасын, берүк, кагылмасын Шаукымнары кырыс җиленең. Синең өчен, балам, синең өчен Хәтфә таулар, яшен үзәннәр, Былбыл кош моңнары синең өчен Яшел келәм - яп-яшь...

Синең өчен, балам

Синең өчен, балам, синең өчен
Ак таңнарның телим атканын,
Сандугачлы таңын, кояшлысын,
Чишмәләрнең чылтырап акканын.

Синең өчен, балам, синең өчен
Тынычлыгын телим җиремнең,
Кагылмасын, берүк, кагылмасын
Шаукымнары кырыс җиленең.

Реклама

Синең өчен, балам, синең өчен
Хәтфә таулар, яшен үзәннәр,
Былбыл кош моңнары синең өчен
Яшел келәм - яп-яшь үләннәр.

Синең өчен, балам, синең өчен
Яктыртырмын барыр юлыңны,
Йөрәгеңә салам якты нурлар,
Суз әле, суз, балам, кулыңны.

Найля Аюпова

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: