Татарстан Президенты Зәй янындагы юл һәлакәте уңаеннан матәм көне игълан итте

Республика Президенты 2 июльне матәм көне дип игълан итте.

"Зәй районындагы юл һәлакәте нәтиҗәсендә һәлак булганнарның гаиләләренең кайгыларын уртаклашам. 2017 елның 2 июль көнен матәм көне дип игълан итәм һәм карар чыгарам:

1. 2017 елның 2 июлен Татарстанда матәм көне дип игълан итәргә.

2. Матәм көнендә Татарстанда Дәүләт әләмнәрен төшерергә.

3. Телерадиокомпанияләргә, мәдәният учреждениеләренә күңел ачу тапшыруларын, чараларны кичектерергә.

4. ТР Министрлар Кабинетына һәлак булганнарның гаиләләренә ярдәм күрсәтү турында тәкъдимнәр әзерләргә", диелә документта.